Umugore w’imyaka 33 yahitanye umugabo we abeshya ko yaguye hasi

Muri leta zunze ubumwe za America umugore w’imyaka 33 witwa Alison Davis akurikiranyweho icyaha cy’ubwicanyi nyuma yuko umugabo we, Kevin Davis w’imyaka 40 y’amavuko, apfuye azize gukomeretswa ku mutwe.

Uyu mugore Alison Davis yabanje kubwira polisi ko umugabo we yaguye ku ngazi ariyo ntandaro y’urupfu rwe, ariko uko ibintu byagenze ndetse n’imvune za Kevin Davis ntaho bihuriye n’ibivugwa n’uyu mugore wa nyakwigendera, nk’uko bigaragara muri raporo yanditswe n’umupolisi wa New Haven muri leta zunze ubumwe za America, James Krueger. Abapolisi bavuze ko bababajwe n’ukuntu akimara gukubita umugabo we yabaye uwa mbere mukumutabariza nyamara abaganga bamugeraho bagasanga arimo kwisekera ntakintu bimubwiye.

Amakuru ava mu baturanyi b’uyu muryango avuga ko n’ubundi bajyaga bagirana amakimbirane ndetse no kutumvikana biturutse ku gushinjanya gucana inyuma.

Isuzuma ryakozwe na Dr. Scott Wagner ryerekanye ko uruhande rw’iburyo rw’igihanga cy’uwahohotewe rwajanjaguwe n’inkoni nyinshi. Dr. Wagner yabwiye abapolisi ko Kevin Davis bigaragara ko yapfiriye aho yakubitiwe.