Ese Koko biranze bibaye impamo ko nta muntu ugambanira Rayon Sports ngo bimugwe neza?
Ese Koko biranze bibaye impamo ko nta muntu ugambanira Rayon Sports ngo bimugwe neza? Aka Sarpong kashobotse, yamaze kwirukanwa mu nzu!
Ntakirutimana Isaac uzwi nka Sarpong, umwe mu bahoze ari abafana bakomeye ba Rayon, mu minsi ishize yavuze ko yavuye kuri Rayon akaba yarabaye umufana wa APR FC.
Yabitewe n’uko Rayon imaze imyaka 5 idatwara igikombe, ngo nta byishimo ikimuha, bityo ajya kubishakira kuri APR FC. Yatewe imijugujugu, benshi bamubwira ko n’ubundi nyine yari umufana atari umukunzi wa Rayon, kuko abakunzi ba Gikundiro batayivaho.
Nyir’inzu aho uyu musore yari acumbitse, yahise amwirukana mu nzu, amusaba kuyivamo kuko yamuhaye inzu ye kuko nawe yari umufana wa Gikundiro, akamuheramo ubwasisi. Ibi yabitangaje mu kiganiro yagiranye na Isibo FM, akaba yaravuze ati “Ntabwo namurenganya, kuko ni inzu nini nabagamo, ikwiriye gukodeshwa ibihumbi 200Frw ku kwezi, ariko we yarambwiye ati ujye unyihera 80Frw, rero ntabwo namurenganya kuko ni umufana w’ikipe ya Rayon Sports”.
