Algeria: Impanuka y’ikipe y’umupira w’amaguru yaguyemo batatu

Mu ijoro ryo ku wa 20 Ukuboza 2023, ikipe ya Mouloudia El Bayadh yo muri Algeria yakoze impanuka ubwo yajyaga gukina umukino wa shampiyona, abantu batatu bahasiga ubuzima.

Imodoka yari itwaye ikipe ya Mouloudia El Bayadh yakoze impanuka
Imodoka yari itwaye ikipe ya Mouloudia El Bayadh yakoze impanuka

Ni impanuka yabaye ubwo ikipe ya Mouloudia El Bayadh yari mu nzira ijya gukina umukino w’umunsi wa 11 wa shampiyona y’icyiciro cya mbere muri Algeria 2023-2024 na JS Kabyile wari uteganyijwe kuri uyu wa Gatanu tariki 22 Ukuboza 2023.

Iyi mpanuka yahise ihitana abarimo umunyezamu w’ikipe witwa Zakaria Bouziani wari ufite imyaka 27, umutoza wari wungirije Khaled Moftah ndetse n’uwari utwaye iyi modoka yerekezaga ahitwa Tizi Ouzou.

Umunyezamu Zakaria Bouziani ari muri batatu bapfiriye muri iyi mpanuka
Umunyezamu Zakaria Bouziani ari muri batatu bapfiriye muri iyi mpanuka
Uretse aba bitabye Imana kandi abandi bakinnyi bane imyirondoro yabo itatangajwe bakomeretse mu buryo bukomeye.